Քերչի նեղուցում երկու տանկերի վրա բռնկված հրդեհի հետևանքով զոհվածների թիվը հասել է 14-ի
12:48, 22.01.2019
Քերչի նեղուցում երկու տանկերի վրա բռնկված հրդեհի հետևանքով զոհվածների թիվը հասել է 14-ի:
Տարածված լրատվությամբ, վեց մարդ համարվում է անհետ կորած:
Հրդեհը «Մաեստրո» և «Կանդի» նավերի վրա բռնկվել է Քերչի նեղուցի շրջանում: Տարածված լրատվությամբ, հրդեհը բռնկվել է մի տանկերից երկրորդ տանկեր նավթ տեղափոխելու ժամանակ: Ծովայինները փրկվելու նպատակով ընկել են ջուրը:
Երկու նավի վրա գտնվում էր անձնակազմի 32 անդամ: Նրանք Թուրքիայի և Հնդկաստանի քաղաքացիներ են: Փրկարարներին հաջողվել է փրկել 12 մարդու:
Դեպքի վայրում շարունակվում են որոնողափրկարարական գործողությունները:
