Քազեմ Ղարիբաբադի. Երկիրը, որը իր ճակատագիրը հանձնում է օտարերկրացիներին, ծանր գին կվճարի, Իրանն այսօր ինքն է որոշում իր ճակատագիրը, մեր ազգը չի նահանջի ճնշման տակ
1953 թվականի պետական հեղաշրջումը ԱՄՆ-ի և Մեծ Բրիտանիայի կողմից Իրանի ազգի ինքնորոշման իրավունքին ուղղակի միջամտություն էր,- ասել է Իրանի փոխարտգործնախարար Քազեմ Ղարիբաբադին 1953 թվականի իրադարձությունների տարելիցի կապակցությամբ։
Նա ասել է, որ Իրանն այսօր ճնշման տակ չի նահանջում։
«Արտաքին միջամտությունը ազգի ճակատագրին, անկախ նրանից, թե ինչ անունով է այն կոչվում, գաղութատիրություն է և ագրեսիա ժողովրդի ինքնիշխանության իրավունքի դեմ։ Սերունդները փոխվում են, բայց մեկ ճշմարտություն մնում է անփոփոխ. երկիրը, որը իր ճակատագիրը հանձնում է օտարերկրացիներին, կվճարի ծանր գին։ Սակայն այսօր Իրանն ինքն է որոշում իր ճակատագիրը։ Մեր ազգը չի նահանջի ճնշման տակ», – ասել է Իրանի փոխարտգործնախարար Քազեմ Ղարիբաբադին։