Քանի դեռ «Վրացական երազանքի» հետ չի կայանա պայմանավորվածություն, տեղական ընտրությունների մասին խոսելը վաղ է. Սաբա Բուաձե
«Լելո»-ն տրամադրված է մասնակցել ինքնակառավարման ընտրություններին, սակայն երկրում մենք շատ լուրջ քաղաքական ճգնաժամ ունենք և տեղական ընտրությունների մասին խոսելը դեռ վաղ է,- այս մասին հայտարարել է «Լելո» կուսակցության անդամ Սաբա Բուաձեն:
Նրա խոսքով, այժմ իրենց ուշադրությունը կենտրոնացած է «Վրացական երազանքի» հետ քաղաքական համաձայնության գալու վրա, այդ ճգնաժամը մեղմելու համար:
«Մինչ տեղական ինքնակառավարման մարմինների ընտրությունները դեռ շատ ժամանակ կա և մեր ողջ ուշադրությունն այժմ ուղղված է այն բանի վրա, որ «Վրացական երազանքի» հետ քաղաքական համաձայնության գանք, հաղթահարենք այս քաղաքական ճգնաժամը և իմանանք, երբ կանցկացվեն նոր խորհրդարանական ընտրությունները, այն ընտրությունները, որոնք կարող են հանդարտեցնել երկրում քաղաքական իրավիճակը:
Քանի դեռ այս շատ կարևոր պայմանը չի կատարվել, տեղական ընտրությունների մասին խոսելը դեռ վաղ է: «Լելոն» տրամադրված է այն բանի համար, որ ձեռք բերվի համաձայնություն, և դրանից հետո մենք կմասնակցենք ինչպես խորհրդարանական, այնպես էլ տեղական ինքնակառավարման մարմինների ընտրություններին», – հայտարարել է Սաբա Բուաձեն: