Քաղաքականություն գալու իմ երկու նպատակը, Սաակաշվիլիի բռնապետական ռեժիմի ընտրությունների ճանապարհով ավարտելն ու վրաց ժողովրդի կողմից ընտրված եվրոատլանտյան ուղիով երկրի անխափան ընթացքը, հաջողությամբ պսակվեց. Բիձինա Իվանիշվիլի
Քաղաքականություն գալու իմ երկու նպատակը, Սաակաշվիլիի բռնապետական ռեժիմի ընտրությունների ճանապարհով ավարտելն ու վրաց ժողովրդի կողմից ընտրված եվրոատլանտյան ուղիով երկրի անխափան ընթացքը, հաջողությամբ պսակվեց,- այս մասին ասված է «Վրացական երազանք – ժողովրդական Վրաստան» կուսակցության նախագահ, Բիձինա Իվանիշվիլիի նամակում:
«2011 թվականին, քաղաքականություն իմ գալն ուներ երկու նպատակ. Ընտրությունների միջոցով վերջ տալ Միխեիլ Սաակաշվիլիի բռնի, անմարդկային և ոչ ժողովրդավարական ռեժիմին, որովհետև առանց իմ անմիջական մասնակցության այն ժամանակ ընդդիմությունը ռեսուրսներ չուներ իշխանափոխություն կատարելու համար. Վրաստանի սահուն շարժումը վրաց ժողովրդի կողմից ընտրված եվրաատլանտյան կուրսով, քանի որ Սաակաշվիլիի իշխանությանը մնալը և, առավել ևս, իշխանության պահպանումը, հասարակությունն ընկալել է որպես Արևմուտքի աջակցություն իրեն: Սա ինքնաբերաբար հանգեցրեց սուր ագրեսիայի դեպի երկրի արևմտյան կողմնորոշումը:
Միևնույն ժամանակ, Բիձինա Իվանիշվիլին նշում է, որ Արևմուտքի համար գործնականում անհնար էր դառնում աջակցել ժողովրդավարության ճակատի տակ թաքնված բռնապետությանը:
«Առանց չափազանցության կարելի է ասել, որ այդ բեռը մեր արևմտյան գործընկերներից հանվեց «Վրացական երազանքի» ՝ որպես քաղաքական սուբյեկտի ծնունդով և հաղթանակով: Արդյունքում, երկու խնդիրներն էլ հաջող էին. Մենք առանց արյունահեղության, ընտրությունների միջոցով տապալեցինք բռնակալ ռեժիմը և հիմք դրեցինք երկրի ութամյա խաղաղ և ժողովրդավարական զարգացման»,- ասված է Իվանիշվիլիի նամակում:
