Խափանման միջոցի վերաբերյալ դատախազությունը դատարանին հավանաբար կդիմի մինչև օրվա վերջ. Դատախազ

11:32, 03.12.2017

Թբիլիսիում, Խորավայի փողոցում տեղի ունեցած սպանության գործով ձերբակալված անչափահասի խափանման միջոցի կապակցությամբ առաջին դատական նիստը հավանաբար տեղի է ունենալու այսօր:

Այրդեն հայտնի է, որ մեղադրող կողմմը ներկայացնելու է դատախազ Ինա Գուգուշվիլին, ով առաջին ալիքին հայտնել է, որ խափանման միջոցի վերաբերյալ դատախազությունը դատարանին դեռևս չի դիմել:

«Այս պահին ընթանում է հետաքննություն և հավանաբար դատարանին խափանման միջոց սահմանելու վերաբերյալ կդիմենք այսօր»,- ասել է դատախազը:

Ինչպես նշել է դատարանը, այս պահին ձերբակալվածի հետաքրքրությունները պաշտպանում է պետության կողմից նշանակված փաստաբանը, սակայն չի բացառվում, որ ընտանիքը վարձի այլ փաստաբանի:

Հիշեցնենք, Ներքին գործերի նախարարության Թբիլիսիի ոստիկանության վարչության աշխատակիցները, անցկացված օպերատիվ-հետախուզական և քննչական միջոցառումների արդյունքում, թեժ հետքի վրա կանխամտածված սպանության մեղադրանքով ձերբակալել են 2001 թվականին ծնված Գ.Բ.-ին:

Հետաքննությունը պարզել է, որ ընթացիկ տարվա դեկտեմբերի 1-ին Թբիլիսիում, Խորավայի փողոցի բակերից մեկում դեռահասների մինչև վեճը վերածվել է կռվի, երբ Գ.Բ.-ն անչափահաս Լ.Դ.-ին դանակի միջոցով բազմաթիվ վնասվածք է հասցրել և թաքնվել:

Իրավապահները թեժ հետքի վրա ձերբակալել են Գ.Բ.-ին: Ինչ վերաբերում է նույն դեպքի ժամանակ վիրավորված Դ.Ս.-ին, նա Հանրապետական հիվանդանոցում մահացել է:

Տեղի ունեցած փաստի կապակցությամբ Թբիլիսիի ոստիկանության վարչությունը հետաքննություն է սկսել Վրաստանի ՔՕ-ի 108-րդ հոդվածով (կանխամտածված սպանություն): Դեպքի վայրում ընթանում են քննչական գործողություններ:

Պարզվել է նաև, որ մեղադրյալը Թբիլիսիի թիվ 1 հանրային դպրոցի աշակերտ է:

Իրավական

Սպանություն Խորավայի փողոցում