Բրյուսելում Եվրամիության ԱԳ նախարարների հանդիպումից առաջ Լիտվայի արտգործնախարար Կեստուտիս Բուդրիսը լրագրողներին ասել է, որ Լիտվան մեծ ջատագով է Վրաստանի՝ Եվրամիությանն անդամակցելու հարցում։

Նրա խոսքով, Վրաստանում ժողովրդավարական ինստիտուտների և գործընթացների նկատմամբ վստահությունը վերականգնելու համար անհրաժեշտ է անցկացնել ազատ և արդար ընտրություններ։

«Այս իրավիճակից ելքը այն է, ինչ մենք հայտարարել ենք մեկ տարի առաջ: Մենք պետք է վերականգնենք Վրաստանում ժողովրդավարական ինստիտուտների և գործընթացների նկատմամբ վստահությունը: Սրանք ազատ և արդար ընտրություններ են: Հակառակ դեպքում մենք տեսնում ենք դեգրադացիա և ժողովրդավարության անկում: Սա հիասթափեցնող է, հատկապես Լիտվայի ժողովրդի մեծ ակնկալիքների լույսի ներքո:

Ես դեռ հավատում եմ Վրաստանի եվրոպական ապագային: Սակայն դա չի համապատասխանում ստեղծված իրավիճակին և այն միջոցներին, որոնք գործող ռեժիմը կիրառում է քաղաքական ընդդիմության և ցուցարարների նկատմամբ։ Սա բացարձակապես անընդունելի է։ Ես հիասթափված եմ: Մենք շարունակելու ենք աջակցել քաղաքացիական հասարակությանն ու կազմակերպություններին։ Հուսով եմ, որ վրացական ռեժիմը կփոխի իր դիրքորոշումը և կվերանայի իր ռազմավարությունը, որտեղ է Վրաստանը»,- ասել է Լիտվայի արտաքին գործերի նախարարը։