ՆԳ նախարարության Կենտրոնական քրեական ոստիկանության Աջարիայի գլխավոր վարչության աշխատակիցները, ձեռնարկված օպերատիվ միջոցառումների և քննչական գործողությունների արդյունքում, Բաթումիում ձերբակալել են Ռուսաստանի Դաշնության քաղաքացի Վ.Ի.-ին, ծնված 1999 թվականին,՝ առանձնապես խոշոր քանակությամբ թմրանյութերի ապօրինի ձեռքբերմանը, պահպանմանը և վաճառքին նպաստելու մեղադրանքով: Այս մասին հայտնում է ՆԳ նախարարությունը:

Ըստ գերատեսչության՝ հանցագործությունը պատժվում է 12-ից 17 տարի ազատազրկմամբ:

«Ոստիկանությունը մեղադրյալի անձնական և բնակելի տան խուզարկության ժամանակ առգրավել է վաճառքի համար նախատեսված 1347 գրամ չորացրած «մարիխուանա»՝ որպես ապացույց:

Քննչական գործողությունների արդյունքում իրավապահ մարմինների աշխատակիցները նաև առգրավել են թմրանյութերի փաթեթավորման համար անհրաժեշտ նյութեր, կպչուն ժապավեններ և էլեկտրական կշեռք:

Քննությունը շարունակվում է Քրեական օրենսգրքի 260-րդ հոդվածի 3-րդ մասի և 260-րդ հոդվածի 3-րդ մասի «ա» ենթակետով», – ասվում է ՆԳ նախարարության հաղորդագրության մեջ: