Վրաստանի ներքին գործերի նախարարության կենտրոնական քրեական ոստիկանության Աջարիայի գլխավոր վարչության աշխատակիցները, խոշոր և առանձնապես խոշոր չափերով թմրամիջոցների ու հոգեմետ նյութերի ապօրինի ձեռքբերման, պահպանման և իրացմանն օժանդակելու մեղադրանքով, Բաթումիում տարբեր ժամանակահատվածներում ձերբակալել են Ադրբեջանի և Թուրքիայի Հանրապետության քաղաքացիներ՝ 1979 թվականին ծնված Ռ.Հ.-ին և 1977 թվականին ծնված Մ.Բ.-ին:

ՆԳՆ-ի փոխանցմամբ՝ իրավապահները մեղադրյալների անձնական, ավտոմեքենայի և ժամանակավոր բնակության վայրերի խուզարկության արդյունքում որպես իրեղեն ապացույց առգրավել են վաճառքի համար պատրաստված առանձնապես խոշոր չափի տարբեր տեսակի թմրամիջոցներ և հոգեմետ նյութեր:

«Քննչական գործողությունների արդյունքում ոստիկանության կողմից առգրավվել են նաև թմրամիջոցների փաթեթավորման համար անհրաժեշտ նյութեր:

Քննությունն ընթանում է Քրեական օրենսգրքի 260-րդ և 260-րդ կվարտա հոդվածներով, ինչը նախատեսում է մինչև 20 տարի ժամկետով կամ ցմահ ազատազրկում», – նշված է ՆԳՆ-ի տեղեկատվության մեջ: