Բազմաթիվ կուսակցություններ հայտարարել են, որ ցուցակները չեն վերացնում: Ցուցակների զրոյացման մասին որոշումը չի կայացնում խորհրդարանը, որոշումը կայացնում է ԿԸՀ-ը և նա բնականաբար կկայացնի այս որոշումը,- հայտարարել է «Վրացական երազանքի» գործադիր քարտուղար, Իրակլի Կոբախիձեն:

Ինչ վերաբերում է ընտրված պատգամավորների մանդատներին, ըստ Կոբախիձեի, «այդ կապակցությամբ որոշում է կայացնում խորհրդարանը»:

«Մենք հստակ հայտարարել ենք, որ եթե լինի դիմում պատգամավորական մանդատը դադարեցնելու վերաբերյալ, դա անպայման կբավարարվի: Առջևում ժամանակ կա դիմելու, կամ չդիմելու: Մենք արագացնելու բան չունենք: Սպասում ենք կողմերի դիրքորոշումներին: Իհարկե, մեր խնդիրն է հնարավորինս ներկայացված լինեն առողջ քաղաքական կուսակցություններ: Դեմքերի մասին կասեմ, Սաակաշվիլին, Գվարամիան, Բոկերիան և Ուգուլավան օդիոզ և պաթոլոգիական քաղաքական գործիչներ են: Նրանք, ովքեր ոչ մի կերպ չեն ասոցացվում և կապված չեն այդ դեմքերի հետ, նրանք առողջ քաղաքական գործիչներ են և իրենց տեղը խորհրդարանում է: Նրանք, ովքեր այս կամ այն ​​կերպ ասոցացվում են անառողջ քաղաքական գործիչների հետ, տեղ չունեն խորհրդարանում: Կցանկանայի, որ խորհրդարանում չլինեին անառողջ քաղաքական կուսակցություններ»,- հայտարարել է Կոբախիձեն: