Ամիսներ շարունակ գործընկեր երկրները մեզ հետ միասին կոչ էին անում «Ազգային շարժմանը» ստորագրել փաստաթուղթը: Ես կցանկանայի, որ Քելի Դեգնանը, ինչպես նաև բոլոր արևմտյան գործընկերները, ավելի մեծ հետաքրքրություն ցուցաբերեին և օգտագործեին լծակները, որպեսզի «Ազգային շարժումը» ստորագրեր համաձայնագիրը, – այս մասին հայտարարել է մեծամասնության անդամ, Իրակլի Զարքուան:

Նրա խոսքով, կապ չունի «Ազգային շարժումը» կստորագրի թե ոչ Շառլ Միշելի փաստաթուղթը:

«Նախատեսվում էին մի շարք բարեփոխումներ, որոնք մենք կավարտենք, այդ թվում` ընտրական և դատաիրավական բարեփոխումներ: Մենք դա կավարտենք, ինչպես նաև կկատարենք Վենետիկի հանձնաժողովի հանձնարարականները: 10-ից ութն արդեն ավարտված են, երկուսի վրա աշխատանքներն ընթացքի մեջ են: Այստեղ բանն այն է, որ գործողությունը միակողմանիորեն էր, այժմ ուզում եք ստորագրեք ուզում եք մի ստորագրեք: «Վրացական երազանքը» կստանա հինգ տոկոս կամ 55 տոկոս, դա ոչ մի կապ չունի արտահերթ ընտրությունների հետ: Դա կորոշի այն կուսակցությունը, որը կգա մեծամասնությամբ `արտահերթ ընտրություններ կանցկացնի, թե ոչ», – ասել է Զարկուան:

ԱՄՆ-ի դեսպան Քելի Դեգնանը հայտարարել է, որ ԱՄՆ-ի Կոնգրեսը հաշվի կառնի Վրաստանի կառավարության այն հայտարարությունը, որ իրենք 75 մլն. եվրո օգնության կարիք չունեն:

Ավելի վաղ, Վրաստանի վարչապետ Իրակլի Ղարիբաշվիլին ասել էր, որ երախտապարտ է Եվրամիությանը տրամադրած ամբողջ օգնության համար, որը տրամադրել է երկրին, այդ թվում ՝ համավարակի կառավարման գործում: Միաժամանակ, ըստ վարչապետի, Վրաստանն այս տարի սկսել է կրճատել իր արտաքին պարտքը, որի պատճառով մեծ է հավանականությունը, որ այլևս անհրաժեշտություն չի լինի Եվրամիությունից վարկ ստանալ: