Վրաստանում ԱՄՆ-ի դեսպան Քելի Դեգնանի խոսքով, Վրաստանը սահմանադրական փոփոխությունների կարիք ունի, և դա հաստատվել է օրինագծի առաջին ընթերցմամբ։

Դեսպանի խոսքով՝ քաղաքական առաջնորդներն այս հարցում համաձայնության են եկել 2020 թվականին:

«Կուսակցությունները բազմիցս պայմանավորվել են սահմանադրական բարեփոխումների կարևորության շուրջ, ինչպիսին է անցումը լրիվ համամասնական ընտրությունների, ինչպես նաև շեմի իջեցումը։ Այն սկսվել է 2019 թվականին: Նրանք պայմանավորվել են իջեցնել մարտի 8-ի պայմանագրով նախատեսված շեմը 2020 թվականի խորհրդարանական ընտրությունների համար։ Քննարկումներից հետո նրանք կրկին համաձայնեցին, որ Վրաստանին ներկայումս անհրաժեշտ է ցածր շեմ՝ օրենսդիր մարմնում բազմակուսակցական համակարգ և շահերի ու տեսլականների բազմազանություն ապահովելու համար: Սահմանադրական փոփոխությունների առաջին ընթերցումը նույնպես հաստատում է, որ Վրաստանին այժմ դա անհրաժեշտ է ժողովրդավարական զարգացման համար, ինչի մասին տարբեր ժամանակներում պայմանավորվել են քաղաքական առաջնորդները»,- ասել է Դեգնանը։