Կայա Կալաս - Եվրոպական Միությունը կոչ է անում Վրաստանի իշխանություններին դադարեցնել ժողովրդավարական հետընթացը, ազատ արձակել անարդարացիորեն ձերբակալվածներին և հետաքննել ուժի չափազանց կիրառման դեպքերը
Եվրամիությունը կոչ է անում Վրաստանի իշխանություններին հարգել մարդու իրավունքները,- այս մասին հայտարարել էր Եվրամիության արտաքին գործերի և անվտանգության քաղաքականության գերագույն ներկայացուցիչ Կայա Կալասը, ԵԱՀԿ նախարարական նիստում իր ելույթում։
Նա նաև ասել է, որ Վրաստանի իշխանությունները պետք է հետաքննեն իրավապահ մարմինների աշխատակիցների կողմից ուժի չափազանց կիրառման դեպքերը։
«Մենք կշարունակենք աջակցել Մոլդովայի Հանրապետության բարեփոխումների ջանքերին և ժողովրդավարական կայունությանը, քանի որ երկիրը առաջ է շարժվում դեպի ԵՄ ինտեգրման իր ճանապարհով։ Եվրամիությունը կոչ է անում Վրաստանի իշխանություններին հարգել մարդու իրավունքները և դադարեցնել ժողովրդավարական հետընթացը։ Իշխանությունները պետք է ազատ արձակեն անարդարացիորեն ձերբակալվածներին, հետաքննեն իրավապահ մարմինների աշխատակիցների կողմից ուժի չափազանց կիրառման բոլոր մեղադրանքները և պատասխանատվության ենթարկեն պատասխանատուներին», – ասել է Կալասը։
