Ռուսաստանը փակուղու մեջ է մարտի դաշտում, ուստի ահաբեկում է Ուկրաինան քաղաքների կենտրոնների վրա նպատակային հարձակումներով, ասել է ԵՄ արտաքին գործերի և անվտանգության քաղաքականության գերագույն ներկայացուցիչը։

Կայա Կալասը Ռուսաստանի գործողությունները անվանել է ահաբեկչական ակտ։

«Սրանք սարսափելի ահաբեկչական գործողություններ են, որոնց նպատակն է սպանել որքան հնարավոր է շատ քաղաքացիական անձանց։ Ըստ հաղորդագրությունների, Մոսկվան օգտագործում է «Օրեշնիկ» տիպի միջին հեռահարության բալիստիկ հրթիռներ՝ միջուկային մարտագլխիկներ կրելու համար նախատեսված համակարգեր։ Սա քաղաքական վախեցման մարտավարություն է և անխոհեմ խաղ միջուկային սահմանին», – գրել է Կալասը սոցիալական ցանցերում։

Նա նաև ասել է, որ հաջորդ շաբաթ ԵՄ արտաքին գործերի նախարարները կքննարկեն Ռուսաստանի վրա միջազգային ճնշումը մեծացնելու ուղիները։