Կախեթիի ոստիկանությունը մեկ անձի է ձերբակալել սպանության փորձի մեղադրանքով
Վրաստանի ՆԳՆ Կախեթիի ոստիկանության դեպարտամենտի Սիգնագիի շրջանային բաժնի աշխատակիցները ձերբակալել են նախկինում դիտավորյալ սպանության փորձի համար դատապարտված անձի։
ՆԳՆ-ի տվյալներով՝ քննությամբ պարզվել է, որ մեղադրյալը Սիգնագիի մունիցիպալիտետի իր սեփական տանը կենցաղային վեճի ժամանակ որսորդական հրացանով վիրավորել է իր ազգականին։
«Վիրավորը տեղափոխվել է կլինիկա՝ համապատասխան բժշկական օգնություն ստանալու համար։ Իրավապահ մարմինների աշխատակիցների կողմից անցկացված քննչական գործողությունների արդյունքում հանցագործության կատարողը ձերբակալվել է որպես կասկածյալ՝ փախուստի մեջ։ Ոստիկանությունը որպես ապացույց առգրավել է հանցագործությունը կատարելու համար օգտագործված զենքը՝ որսորդական հրացանը։ Հետաքննությունը շարունակվում է Քրեական օրենսգրքի 19-108-րդ հոդվածով, որը նախատեսում է մինչև 15 տարի ազատազրկում», – ասվում է տեղեկատվության մեջ։