Թբիլիսիի զարգացման հիմնադրամն սկսել է Մշրալի (Չոր) կամրջի և Զաարբրյուկենի կամրջի, ինչպես նաևՄարտի 9-ի և Դեդա-Էնայի այգիների վերանորոգման աշխատանքները:
Ընթացիկ աշխատանքներին տեղում ծանոթացել է Թբիլիսիի քաղաքապետ Կախա Կալաձեն և մամուլի համար արել մեկնաբանություն:
Նրա խոսքով, նախագծի շրջանակներում կառուցվելու է այս այգիները կապող հետիոտնային թունել, իսկ վերանորոգումից հետո նշված վայրերը լավագույնը կլինեն զբոսաշրջիկների համար:
Վերանորոգման աշխատանքներն անցկացվելու են «Նոր Թբիլիսի» նախագծի շրջանակներում և դրա նպատակն է լինելու՝ քաղաքի պատմական մասում ստեղծել տուրիստական մեծ երթուղի, վերանորոգված գոտիները կապել իրար:
Նախագիծը ֆինանսավորում է Թբիլիսիի քաղաքապետարանը և դրա ընդհանուր արժեքը կազմում է 9 679 520 լարի:
Վերանորոգման աշխատանքներն ավարտվելու են 2019 թվականի վերջին:
