Մայրաքաղաքի քաղաքապետ Կախա Կալաձեն վիրավորական է համարում Եվրախորհրդարանի անդամ Քշիշտոֆ Բրեյսայի այն հայտարարությունը, որ Վրաստանի նախկին նախագահ Միխեիլ Սաակաշվիլին ձերբակալվել է կեղծ մեղադրանքներով։

Ինչպես նշել է Կալաձեն լրատվամիջոցների հետ զրույցում, նման հայտարարությունները վկայում են, որ եվրոպական բյուրոկրատիան զուրկ է եվրոպական արժեքներից։

«Նման հայտարարությունները շատ լուրջ են, վիրավորական։ Նախևառաջ, դրանք ստվեր են գցում եվրոպական ուղու վրա։ Նման փաստերը վկայում են եվրոպական բյուրոկրատիայի վիճակի մասին։ Բրեյզայի հայտարարությունը նաև հստակ օրինակ է, թե ինչպես են սովորաբար պիտակներ կպցվում։ Սա առաջին դեպքը չէ, մենք տեսել ենք ընդունված բանաձևերը, նույնիսկ Միխեիլ Սաակաշվիլիի վերաբերյալ։ Նրանց վճարել են այս ամենի համար։ Ենթադրաբար, դա փաթաթված էր ինչ-որ լոբբինգի մեջ։ Իրականում եղել է տալ-առնել։ Նման բան անհնար է։ Ինչի՞ համար ենք մենք պայքարում, երբ խոսում ենք եվրոպական ապագայի և արժեքների մասին։ Դժբախտաբար, եվրոպական բյուրոկրատիան զուրկ է այս ամենից», – նշել է Կախա Կալաձեն։