Հենց որ ԱՄՆ նոր վարչակազմը պաշտոնապես սկսի աշխատանքը, կլինի արմատապես այլ քաղաքական իրավիճակ, լրագրողներին ասել է Թբիլիսիի քաղաքապետ Կախա Կալաձեն՝ ի պատասխան Արևմուտքի և ԱՄՆ-ի հետ Վրաստանի հարաբերությունների հեռանկարների մասին հարցին։

«Ինչ վերաբերում է Արևմուտքի և ընդհանրապես Ամերիկայի Միացյալ Նահանգների հետ հարաբերություններին, հենց որ նոր վարչակազմը պաշտոնապես սկսի աշխատել, դրանից հետո, իհարկե, Վրաստանի հետ կապված կլինի արմատապես այլ քաղաքական իրավիճակ, ինչպես Միացյալ նահանգների, այնպես էլ եվրոպական կողմից: Մեզ համար անընդունելի է այն վերաբերմունքն ու հարաբերությունները, որոնք այսօր կան, օրինակ, Ամերիկայի Միացյալ Նահանգների հետ։ Մենք ցանկանում ենք վերսկսել այդ հարաբերությունները, խորացնել դրանք, դառնալ բարեկամական, իրական բարեկամական և իրական գործընկերություն, որը կլինի երկկողմանի և ոչ միակողմանի՝ հիմնված միայն մեկ կողմի վրա»,- ասել է Կախա Կալաձեն։