Մայրաքաղաքի քաղաքապետի խոսքով՝ կարևոր են այնպիսի բարձր մակարդակի այցերը, ինչպիսին է Արաբական Միացյալ Էմիրությունների նախագահի Վրաստան ժամանումը։

Ինչպես նշել է Կախա Կալաձեն լրատվամիջոցներին տված հարցազրույցում, Թբիլիսիում և Աջարիայի շրջանում կատարվող արաբական ներդրումները կնպաստեն նոր աշխատատեղերի ստեղծմանը և երկրի տնտեսական զարգացմանը։

«Պատահական չէ, որ նման բարձր մակարդակի այցը տեղի ունեցավ Վրաստանում։ Այս տեսակի հանդիպումները շատ կարևոր են։ Դուք գիտեք, որ խոսքը մեր երկրում՝ Թբիլիսիում և Աջարիայի շրջանում, 6 միլիարդ դոլարի ներդրման մասին է։ Սա աննախադեպ բարձր ներդրում է, որը մինչ օրս կատարվել է Վրաստանում և ողջունելի է։ Իհարկե, այս ներդրումը կնպաստի նոր աշխատատեղերի ստեղծմանը, երկրի տնտեսական զարգացմանը, և այս ամենը միայն դրական ազդեցություն կունենա մեզ վրա», – ասել է Թբիլիսիի քաղաքապետը։