Կախա Կալաձե. ԱՄՆ ներկայիս վարչակազմը հնարավորություն ունի պարզ որոշումներով շտկել վրաց ժողովրդի նկատմամբ գոյություն ունեցող անարդար վերաբերմունքը
Մենք շարունակում ենք լավատեսորեն տրամադրված մնալ և պատրաստ ենք Միացյալ Նահանգների հետ հարաբերությունները սկսել նոր էջից,- ասել է Թբիլիսիի քաղաքապետ Կախա Կալաձեն՝ գնահատելով Վրաստանում ԱՄՆ նախկին դեսպան Իան Քելլիի և նախկին փոխպետքարտուղար Դեյվիդ Կրամերի հայտարարությունները։
Նրա խոսքով՝ Իան Քելլին և Դեյվիդ Կրամերը չեն ծառայում իրենց երկրին և այսպես կոչված «Խորը պետության» ներկայացուցիչներ են։
«Այս երկու մարդիկ՝ Իան Քելլին և Կրամերը, սովորաբար «Խորը պետության» ներկայացուցիչներ են, համարակալված գործակալներ։ Մենք այս ամենը գիտենք։ Նրանք ծառայում են ոչ թե ԱՄՆ-ին, այլ երկրի ոչ ֆորմալ կառավարիչներին, ինչը լուրջ հետընթաց է այսօրվա աշխարհում։ Ինչ վերաբերում է ԱՄՆ-ի հետ հարաբերություններին, մենք շարունակում ենք լավատես լինել։ Բազմաթիվ հայտարարություններ են արվել, որ մենք պատրաստ ենք համագործակցության։ Մենք պատրաստ ենք հարաբերությունները սկսել նոր էջից, քանի որ Բայդենի վարչակազմի վերաբերմունքը մեզ համար կտրականապես անընդունելի է։ Այն հայտարարությունները, որոնք մենք լսեցինք և որոնք պարունակում էին միայն ստեր և կեղծիքներ, նույնպես կտրականապես անընդունելի են։ ԱՄՆ նախագահի ներկայիս վարչակազմն իսկապես հնարավորություն ունի շատ պարզ լուծումներով շտկելու վրաց ժողովրդի և վրացական պետության նկատմամբ գոյություն ունեցող անարդար վերաբերմունքը։ Կրկնում եմ ևս մեկ անգամ, մենք շարունակում ենք լավատես լինել և պատրաստ ենք հարաբերությունները սկսել նոր էջից», – ասաց Կախա Կալաձեն։