Թբիլիսիի քաղաքապետ Կախա Կալաձեի խոսքով՝ Ամանորի բյուջեն կորոշվի մայրաքաղաքում նախատեսված տոնական միջոցառման մասշտաբով։

Ինչպես այսօր լրագրողներին ասել է Կալաձեն, այս տարվա միջոցառումները, որոնք կանցկացվեն բաց տարածքում, նախատեսված են բոլոր տարիքի մարդկանց համար։

«Անցյալ տարի մենք ընդհանրապես Ամանորի տոնավաճառ չունեինք՝ պայմանավորված առկա համաճարակով, քանի որ վիճակը շատ ծանր էր։ Հետևաբար, բյուջեն տատանվում է», – ասաց Կախա Կալաձեն:

Թբիլիսիի քաղաքապետը լրատվամիջոցներին բացատրել է նաև, թե ինչու չի կարող հայտարարվել ամանորյա միջոցառումների գնման մրցույթ։

«Եթե ինձ ասեք ու խորհուրդ տաք, թե ինչպես կարող ենք, օրինակ, մրցույթի հիման վրա երգիչներ ընտրել, շատ շնորհակալ կլինեմ։ Ինչպիսի՞ն պետք է լինեն մրցույթի պայմանները, որոնց համաձայն մենք պետք է ընտրենք՝ ըստ առաջին թե երկրորդ ձայնի»,- ասել է Կախա Կալաձեն։