Մունիցիպալիտետների բոլոր կարիքները հնարավոր չէ հոգալ տեղական ռեսուրսներով, հենց այդ պատճառով մոտ ապագայում երկարաժամկետ գործողությունների ծրագրերը կուղարկվեն ոլորտային նախարարություններ։ Ինքնակառավարման մարմինների քաղաքապետերի և սակրեբուլոների (ավագանիների) նախագահների հետ հանդիպումը շատ արդյունավետ էր և պրոդուկտիվ. այս մասին լրագրողներին հայտարարել է Վրաստանի տարածքային զարգացման նախարար Կախա Գուլեդանին։

Ինչպես նշել է Կախա Գուլեդանին, վարչապետի նախաձեռնությամբ մունիցիպալիտետները սկսել են աշխատել երկարաժամկետ ծրագրերի վրա, որոնցում սկզբից մինչև վերջ ներգրավված է տարածքային զարգացման նախարարությունը։

«Մենք իրականացնում ենք գործընթացների ֆասիլիտացում։ Այս փուլում արդեն յուրաքանչյուր մունիցիպալիտետում մշակված է զարգացման երկարաժամկետ ծրագիր, սակայն բոլոր այն կարիքները, որոնք կան մունիցիպալիտետում, հնարավոր չէ հոգալ տեղական ռեսուրսներով։ Հենց այդ պատճառով մոտ ապագայում երկարաժամկետ գործողությունների ծրագրերը կուղարկվեն ոլորտային նախարարություններին։ Տեղի կունենա ինքնակառավարման մարմինների և ոլորտային նախարարությունների ծրագրերի համադրում և սինխրոնիզացում, որից հետո գործընթացը կրկին կտեղափոխվի մունիցիպալիտետ։ Տեղի կունենան երկարաժամկետ գործողությունների ծրագրերի հանրային քննարկումներ բնակչության հետ և վերջում՝ հաստատում սակրեբուլոյում։ Կարծում եմ՝ հանդիպումը շատ արդյունավետ էր և պրոդուկտիվ», – հայտարարել է Կախա Գուլեդանին։