Կառավարության որոշմամբ՝ Ուկրաինայում ռազմական գործողությունների պատճառով Վրաստան մուտք գործած և Վրաստանում մշտապես բնակվող Ուկրաինայի քաղաքացիների բժշկական ծառայություններից օգտվելու ժամկետը երկարաձգվել է մինչև 2026 թվականի ապրիլի 1-ը
Վրաստանի կառավարության որոշմամբ՝ Ուկրաինայի տարածքում ռազմական գործողությունների պատճառով Վրաստան ժամանած և երկրում շարունակաբար գտնվող Ուկրաինայի քաղաքացիները առողջապահական ծառայություններից կօգտվեն մինչև 2026 թվականի ապրիլի 1-ը։
Համապատասխան կարգադրությանը ստորագրություն է դրել Վրաստանի վարչապետ Իրակլի Կոբախիձեն։
Վրաստանում անընդմեջ գտնվել է համարվելու նաև այն դեպքը, երբ անձը հատել է Վրաստանի պետական սահմանը և վերադարձել է ոչ ուշ, քան երեք օրվա ընթացքում։
Առողջապահական համապատասխան ծառայությունների մատուցումը կիրականացնի Վրաստանի օկուպացված տարածքներից տեղահանված անձանց, աշխատանքի, առողջապահության և սոցիալական պաշտպանության նախարարությունը։
Ուկրաինայի քաղաքացիների համար տվյալ տարվա առողջապահության պետական ծրագրերի շրջանակում նախատեսված են հետևյալ ծառայությունները՝ պատվաստում (իմունիզացիա),
տուբերկուլյոզի, ՄԻԱՎ վարակման և ՁԻԱՀ-ի բուժում, այդ թվում՝ հատուկ դեղամիջոցներով ապահովում, մայրական և մանկական առողջապահություն, ներառյալ հղիության ընթացքում բժշկական վերահսկողություն և նորածինների սկրինինգ, հոգեկան առողջապահություն, շաքարային դիաբետի կառավարում, այդ թվում՝ դեղորայքով ապահովում, դիալիզ, հազվագյուտ հիվանդություններ ունեցող և փոխարինող մշտական բուժման կարիք ունեցող պացիենտների բուժում, ռեֆերալ ծառայություններ՝ շտապ բուժօգնության ծառայություններ, այդ թվում՝ ծննդօգնություն, հրատապ պատվաստում։
Տեղեկատվությունը տարածում է Վրաստանի կառավարության վարչական ծառայությունը։
