Կառավարության կազմում պարտադիր կլինեն փոփոխություններ, սա Մամուկա Բախտաձեի դիրքորոշումն է,- այս մասին հայտարարել է խորհրդարանի նախագահ Իրակլի Կոբախիձեն՝ լրագրողների հետ զրույցի ժամանակ:

Նրա խոսքով, նախարարների նոր կաբինետում նոր դեմքեր ամեն դեպքում կլինեն, սակայն մասշտաբների մասին Իրակլի Կոբախիձեն չի խոսում:

«Նոր դեմքեր կլինեն ցանացած դեպքում, առնվազն պետք է անվանվի ֆինանսների նախարարի նոր թեկնածուն: Կլինեն նաև այլ նոր թեկնածուներ: Կառավարության կազմում պարտադիր կլինեն փոփոխություններ, սա պարոն Մամուկա Բախտաձեի դիրքորոշումն է: Նախարարների նոր կաբինետում նոր դեմքեր ամեն դեպքում կլինեն, սակայն մասշտաբների մասին կխոսենք, երբ վարչապետի թեկնածուն կանվանի կառավարության կազմը»,- հայտարարել է Իրակլի Կոբախիձեն:

Նրա խոսքով, տարբեր ուղղություններով անհրաժեշտ է նորացնել քաղաքականությունը և նոր նախաձեռնությունները:

«Սպասում եմ նոր նախաձեռնությունների: Պարոն Մամուկան առանձնանում է նրանով, որ նա ուներ շատ լավ նախաձեռնություններ, այդ նախաձեռնություններին աջակցել է խորհրդարանը և արդեն տեսնում ենք շոշափելի արդյունքներ»,- հավելել է խորհրդարանի նախագահը:

Նրա խոսքով, կառավարության ձևավորման ավարտից հետո, թիմում կվերսկսվի նախագահության թեկնածուի մասին քննարկումը: