Կանադայի արտգործնախարար. Կանադան կարող է հաղթել ԱՄՆ-ի հետ առևտրային պատերազմում

Կանադան կարող է հաղթել ԱՄՆ-ի հետ առևտրային պատերազմում, հայտարարել է Կանադայի արտաքին գործերի նախարար Մելանի Ջոլին։

Կանադայի արտաքին գործերի նախարարը BBC-ին ասել է, որ Կանադան կարող է հաղթել առեւտրային պատերազմում, որը սկսվել է ԱՄՆ նախագահ Դոնալդ Թրամփի կողմից սահմանված մաքսատուրքերից:

«Մենք Միացյալ Նահանգների ամենամեծ սպառողն ենք: Մենք ամերիկացիներից ավելի շատ ենք գնում, քան Չինաստանը, Ճապոնիան, Մեծ Բրիտանիան և Ֆրանսիան միասին վերցրած»,- ասել է Ջոլին:

Նա ասաց, որ միայն կանադացիները չեն, որ կզգան մաքսատուրքերի ցավը, այլև «աշխատող ամերիկացիները»:

Բացի այդ, Ջոլին ասել է, որ հնարավոր է հենց ամերիկացիներն են պահանջել դադարեցնել առեւտրային պատերազմը։

«Մենք կարծում ենք, որ, ի վերջո, միակ մարդիկ, ովքեր կարող են օգնել մեզ հաղթել այս պատերազմում, իրենք ամերիկացիներն են, քանի որ նրանք այն մարդիկ են, ովքեր կարող են ուղերձ հղել իրենց օրենսդիրներին:

Ջոլիի խոսքով՝ մաքսատուրքերի պատճառով վտանգի տակ են և՛ ամերիկյան, և՛ կանադական աշխատատեղերը։