Առաջարկն այն է, որ բանակցությունները շարունակվեն և ամենայն հավանականությամբ, հաջորդ փուլը կարող է կայանալ այսօր: Գործընթացը բարդ է, քանի որ կան առանցքային և բարդ հարցեր, որոնց շուրջ հնարավոր չէ մերձեցնել դիրքերը, առանց որոնց բանակցությունները չեն հաջողվի,- այս մասին «Ազգային շարժման» անդամ Սալոմե Սամադաշվիլին հայտարարել է իշխանությունների և ընդդիմության միջև բանակցությունների մասին խոսելիս:

Սամադաշվիլիի խոսքով, «ընդդիմությունը պատրաստ է շարունակել բանակցությունները, սակայն եթե իշխանությունները չվերանայի իր դիրքորոշումը, այն հիմնական հարցով, որը վերաբերում է արտահերթ ընտրությունների նշանակմանը և քաղբանտարկյալների հարցին, այլ հարցերի շուրջ համաձայնություն չի կարող լինել:

«Դեսպանների խնդրանքով մենք չենք խոսում մանրամասների մասին, սակայն բանակցությունների առարկան շատ թեմաներ են, այդ թվում ընտրական համակարգի բարեփոխումը և այլն: Կան հարցեր, որոնց շուրջ կողմերի դիրքորոշումները մոտ են, սակայն դա օրակարգից չի հանում հիմնական քաղաքական խնդիրները: Ընդդիմադիր կուսակցությունները լիովին համահունչ են իրենց տեսլականին: Առանց այս հարցերի լուծման, մենք չենք կարողանա առաջընթաց արձանագրել և Վրաստանի նորագույն պատմության մեջ առաջին անգամ կունենանք միակուսակցական խորհրդարան»,- հայտարարել է Սամադաշվիլին:

Միևնույն ժամանակ, Սալոմե Սամադաշվիլիի հայտարարությամբ, «իշխող թիմը շատ ժամանակ չունի և եթե այսօր կամ վաղը ոչինչ չփոխվի, տեղի կունենա միակուսակցական նիստ»:

«Մեր առջև դրված են բազում խնդիրներ՝ սկսած տեխնիկական հարցերից, վերջացրած մեծ քաղաքական համաձայնագրով, որը պետք է ավարտվի: Ինչ վերաբերում է քաղբանտարկյալներին և նրան, որ հոկտեմբերի 31-ի ընտրությունները չեն կարող օրինական համարվել, դրանք քաղաքականապես կարևոր խնդիրներ են, բայց կան շատ այլ խնդիրներ, մեկը մյուսին չի խանգառում, ինչպես նաև մեկը մյուսին չի փոխարինում: Մենք կարող ենք պայմանավորվել շատ չնչին հարցերի շուրջ, սակայն առանց քաղաքական հարցերի շուրջ համաձայնության, մենք ի վիճակի չենք առաջընթացի հասնել»,- հայտարարել է Սամադաշվիլին: