Կալիֆոռնիայի նահանգում անտառային հրդեհների պատճառով հազարավոր մարդիկ են տարհանվել
Կալիֆոռնիայի նահանգում անտառային հրդեհների պատճառով հազարավոր մարդիկ են տարհանվել։ Տեղեկությունը տարածում է «Ռոյթերս» գործակալությունը։
Հրդեհը բռնկվել է Կալիֆոռնիայի հյուսիսում գտնվող անտառում՝ Սակրամենտո քաղաքից 230 մղոն հեռավորության վրա։ Տեղի իշխանությունների տվյալներով՝ հրդեհի հետևանքով արդեն այրվել է չորս հազար ակր տարածք։ Բացի այդ, ավերվել են մոտ հարյուր բնակելի տներ և այլ շինություններ։
Բարձր ջերմաստիճանի և քամու պատճառով հրդեհի ծավալն արագորեն մեծանում է։ Հարակից շրջաններից արդեն տարհանվել են հազարավոր քաղաքացիներ, այդ թվում՝ վիրավորներ։