Ջուանշեր Բուրճուլաձեն մասնակցել է Ուկրաինայի շփման խմբի հանդիպմանը
Վրաստանի պաշտպանության նախարար Ջուանշեր Բուրճուլաձեն մասնակցել է Ռամշտեյնի ձևաչափով Ուկրաինայի շփման խմբի հանդիպմանը։
ՊՆ տեղեկատվության համաձայն՝ ԱՄՆ պաշտպանության դեպարտամենտի կազմակերպած հանդիպումն անցկացվել է Բրյուսելում՝ ՆԱՏՕ-ի կենտրոնակայանում։
Նրանց տվյալներով՝ հանդիպմանը քննարկվել են Ուկրաինայում Ռուսաստանի ագրեսիայի արդյունքում ստեղծված իրավիճակը և երկրի կարիքները, ինչպես նաև անվտանգության մարտահրավերները, որոնց բախվում են ԱՄՆ դաշնակիցներն ու գործընկերները։
Հանդիպմանը մասնակցում են ավելի քան 50 համախոհ երկրների պաշտպանության նախարարներ և բարձրաստիճան զինվորականներ։
Բրյուսել կատարած այցի շրջանակներում պաշտպանության նախարարության ղեկավարն արդեն հանդիպում է ունեցել ՆԱՏՕ-ի գլխավոր քարտուղար Ենս Ստոլտենբերգի հետ։