Ջուանշեր Բուրճուլաձեն հանդիպել է Թուրքիայի պաշտպանության նախարար Հուլուսի Աքարի հետ
Եռակողմ նախարարական հանդիպման շրջանակներում այցով Թուրքիայի Հանրապետությունում գտնվող Վրաստանի պաշտպանության նախարարը երկկողմ հանդիպումներ է ունենում գործընկերների հետ։
Առաջին հանդիպումը Ջուանշեր Բուրճուլաձեն անցկացրել է հյուրընկալող երկրի ազգային պաշտպանության նախարար Հուլուսի Աքարի հետ։
Վրաստանի պաշտպանության նախարարը, խոսելով թուրք գործընկերոջ հետ, ուշադրություն է հրավիրել պաշտպանության ոլորտում Վրաստանի և Թուրքիայի միջև հաջող ռազմավարական համագործակցության վրա և շնորհակալություն հայտնել Թուրքիային աջակցության համար։ Նա ընդգծել է Թուրքիայի նյութատեխնիկական և ֆինանսական օգնությունը, թուրք փորձագետների ներգրավումն ու աջակցությունը Վրաստանի պաշտպանության ուժերի զարգացման գործընթացում։
Հանդիպմանը գործընկերները քննարկել են երկկողմ և եռակողմ ձևաչափերով համագործակցության հարցեր։ Զրույցն անդրադարձել է ՆԱՏՕ-ի հետ համագործակցության, ռազմական կրթության և միջազգային ուսումնասիրությունների ուղղությամբ կապերի խորացման հարցերին։
Զրույցի հիմնական թեմաներից էին տարածաշրջանում անվտանգության միջավայրը, աճող սպառնալիքները և Ռուսաստանի ագրեսիան Ուկրաինայում։
Տեղեկությունը տարածում է Վրաստանի պաշտպանության նախարարությունը։