Վրաստանի պաշտպանության նախարար Ջուանշեր Բուրճուլաձեի խոսքով, բարձր մակարդակի այցերի ինտենսիվությունն ընդգծում է միջազգային գործընկերների հետ արտաքին հարաբերությունների մակարդակը։

«Իմեդի» հեռուստաընկերության եթերում նախարարը խոսել է զենքի գնման ուղղությամբ նախատեսվող միջազգային այցերի ու նորությունների մասին։

«Միայն Բրյուսելում յոթ անգամ մասնակցել եմ տարբեր հանդիպումների՝ լինի դա ՆԱՏՕ-ի մինիստերիալ, Ռամշտեյնի խմբի նիստ և այլն: Նույնիսկ հիմա, առաջիկա երկու շաբաթվա ընթացքում մենք ևս մեկ այց ունենք Բրյուսել։ Նշված այցերը, իհարկե, ընդգծում են մեր արտաքին հարաբերությունների մակարդակը»,- ​​ասաց պաշտպանության նախարարը։

Ջուանշեր Բուրճուլաձեն խոսել է նաեւ զենքի գնման ուղղությամբ ստորագրված կարեւոր պայմանագրերի մասին։

«Ուզում եմ բնակչությանն ասել, որ մենք արդեն շատ հաջող քայլեր ենք արել սպառազինության ուղղությամբ, այս տարի եւս շատ կարեւոր պայմանագրեր են կնքվել սպառազինության ուղղությամբ։ Մենք գնման պայմանագրեր ենք կնքել իսպանական, լեհական, շվեդական ընկերության հետ և շարունակում ենք ակտիվորեն զենք գնել»,- ասաց նախարարը։

Տեղեկությունը տարածում է Վրաստանի պաշտպանության նախարարության մամուլի ծառայությունը։