Վիկտոր Օրբանը, ով այսօր մեկնում է Վրաստան, չի ներկայացնում Եվրամիությունը, իսպանական լրատվամիջոցներին տված հարցազրույցում ասել է Եվրամիության արտաքին գործողությունների ծառայության ղեկավար Ջոզեֆ Բորելը։

«Այսօր Հունգարիայի վարչապետը մեկնում է Վրաստան՝ աջակցելու Վրաստանի կառավարությանը, որի հետ շատ մտերիմ է։ Ինչ էլ ասի պարոն Օրբանը Վրաստան կատարած այցի ժամանակ, նա չի ներկայացնում Եվրամիությունը»,- ասել է Ջոզեֆ Բորելը։

Եվրոպական միության խորհրդի նախագահ Հունգարիայի վարչապետ Վիկտոր Օրբանն այսօր պաշտոնական այցով կմեկնի Վրաստան։ Հունգարիայի վարչապետը Վրաստան կժամանի կառավարական պատվիրակության հետ, որի կազմում են Հունգարիայի արտաքին գործերի և առևտրի նախարար Պետեր Սիիարտոն, Հունգարիայի տնտեսական զարգացման նախարար Մարտոն Նադին, Հունգարիայի ֆինանսների նախարար Միխայ Վարգան, պետքարտուղար Յանոշ Մատեն և այլ պաշտոնյաներ։