Ջոզեֆ Բորել. Ռուսաստանը տարիներ շարունակ խաթարում է Եվրոպայի անվտանգությունը, նրա ռազմական ուժեղացումը սկսվել է այն բանից հետո, երբ ուժ է կիրառել Ղրիմում, Դոնբասում և Վրաստանում
Այս ճգնաժամը չի սկսվել անցյալ տարվա դեկտեմբերին, Ռուսաստանը տարիներ շարունակ խաթարում է Եվրոպայի անվտանգությունը։ Նրա ռազմական ուժեղացումը սկսվել է այն բանից հետո, երբ ուժ է կիրառել Ղրիմում, Դոնբասում և Վրաստանում,- ասել է ԵՄ արտաքին գործերի և անվտանգության քաղաքականության գերագույն ներկայացուցիչ Ջոզեֆ Բորելը։
Նրա խոսքով՝ ճգնաժամը միայն Ուկրաինայի և Եվրոպայի անվտանգության կարգի մեջ չէ։ Ռուսաստանը փորձում է հետ գնալ ժամանակը և վերականգնել ազդեցության ոլորտները:
«Մենք չենք կարող դա թույլ տալ, դա այս դարի հայեցակարգը չէ»,- ասել է Բորելը։
ԵՄ գերագույն հանձնակատարի խոսքով՝ կազմակերպությունն ունի երկու առաջնահերթություն: Դիվանագիտություն և զսպվածություն: Բորելը նշել է, որ եթե Ռուսաստանը ռազմական գործողություններ սկսի Ուկրաինայի դեմ, ԵՄ-ն ավելի կոշտ պատժամիջոցներ կկիրառի Մոսկվայի նկատմամբ։