Ջո Ուիլսոն. Նույնիսկ «Վրացական երազանքի» չափանիշներով, ռեժիմի կողմից ընդդիմության առաջնորդների դեմ ուղղված նոր, քաղաքական դրդապատճառներով մեղադրանքները սարսափելի են
ԱՄՆ կոնգրեսական Ջո Ուիլսոնը «Վրացական երազանքի» կողմից ընդդիմության առաջնորդների դեմ ուղղված նոր, քաղաքական դրդապատճառներով մեղադրանքները սարսափելի է համարում: Ուիլսոնը այս մասին գրել է սոցիալական ցանցերում։
Կոնգրեսականը արձագանքում է Եվրոպայի լիբերալների և դեմոկրատների դաշինքի (ALDE) հայտարարությանը, որի համաձայն՝ Վրաստանը «Վրացական երազանքի» կառավարման ներքո շարժվում է դեպի լիակատար ավտոկրատիա։
«Նույնիսկ «Վրացական երազանքի» չափանիշներով, ռեժիմի կողմից ընդդիմության առաջնորդների դեմ ուղղված նոր, քաղաքական դրդապատճառներով մեղադրանքները սարսափելի են: Այս զզվելի վարքագիծը արտացոլում է նրանց հովանավորների մարտավարությունը Մոսկվայում և Պեկինում: Հակաամերիկյան «Վրացական երազանքի» ռեժիմը դավաճանում է իր ժողովրդին՝ հօգուտ Մոսկվայի, Թեհրանի և Պեկինի», – գրում է նա։
Միխեիլ Սաակաշվիլիի, Գիորգի Վաշաձեի, Նիկա Գվարամիայի, Նիկանոր Մելիայի, Զուրաբ Ջափարիձեի, Էլենե Խոշտարիայի, Մամուկա Խազարաձեի և Բադրի Ջափարիձեի նկատմամբ քրեական հետապնդում է սկսվել։