Ջո Բայդենը Լեհաստանում հանդիպելու է Ուկրաինայի արտաքին գործերի և պաշտպանության նախարարների հետ
ԱՄՆ նախագահ Ջո Բայդենը Լեհաստանում հանդիպելու է Ուկրաինայի արտաքին գործերի և պաշտպանության նախարարների հետ։ Համապատասխան տեղեկությունը տարածում է «BBC»-ն՝ հիմնվելով Սպիտակ տան վրա։
Սա Ջո Բայդենի առաջին հանդիպումն է ուկրաինացի պաշտոնյաների հետ ռուսական միջամտության սկզբից ի վեր։
Սպիտակ տան փոխանցմամբ՝ նախագահը միացել է ԱՄՆ պետքարտուղար Էնթոնի Բլինկենի և ԱՄՆ պաշտպանության քարտուղար Լլոյդ Օսթինի հանդիպմանը ուկրաինացի գործընկերներ Դմիտրի Կուլեբայի և Ալեքսեյ Ռեզնիկովի հետ։
Ավելի ուշ նախատեսված է ԱՄՆ նախագահի ելույթը։
Ջո Բայդենը Լեհաստան է ժամանել ուրբաթ օրը: