Ջիմ Ռիշ. Իշխող կուսակցությունները պետք է զերծ մնան ընդդիմության ձայները ճնշելու փորձերից և փորձեն ապահովել, որ բոլոր կողմերը ունենան հավասար հնարավորություն մասնակցելու ժողովրդավարական գործընթացներին
Սենատի արտաքին հարաբերությունների կոմիտեի նախագահ Ջիմ Ռիշը «Ամերիկայի Ձայնին» մեկնաբանեց Վրաստանում ընթացիկ քաղաքական զարգացումները:
Երկրում քաղաքական ճգնաժամի և «Ազգային շարժման» գրանցումը հնարավոր չեղարկելու մասին հարցին սենատորն ասաց, որ իշխող կուսակցությունը չպետք է թույլ տա ընդդիմադիր կուսակցությունների ձայների ճնշումը:
«Հզոր ժողովրդավարությունը ներառում է խոսքի ազատություն: Վրաստանն արդեն լուրջ վնասներ է կրել քաղաքական հաշվեհարդարից, և նման օրինագծերը անհավասար են դարձնում այն պայմանները, որոնք պետք է վայելեն բոլոր քաղաքական մասնակիցները: Իշխող կուսակցությունները պետք է զերծ մնան ընդդիմության ձայնը ճնշելու փորձից և փոխարենը փորձեն ապահովել, որ բոլոր կուսակցությունները հավասար հնարավորություն ունենան մասնակցելու ժողովրդավարական գործընթացներին», – հայտնեց սենատորը «Ամերիկայի ձայնին»:
