Իսրայելական բանակը հաստատել է, որ ավիահարվածներ են հասցվել Լիբանանի Բեքաա հովտում գտնվող «Հեզբոլլահի» մարզական ճամբարին, հաղորդում են իսրայելական լրատվամիջոցները։

Խմբավորման անդամները հավաքվել էին հովտում, և մոտակայքում գտնվում էր հրթիռների արտադրության օբյեկտ։

Իսրայելը պնդում է, որ «Հեզբոլլահը» մարզական ճամբարն օգտագործում էր Իսրայելի դեմ հարձակումներ պլանավորելու համար։

Իսրայելի պաշտպանության ուժերը հայտարարել են, որ նրանք նաև ռմբակոծել են Լիբանանի հյուսիսում գտնվող «Հեզբոլլահի» մեկ այլ ռազմական օբյեկտ։

«Հեզբոլլահի ահաբեկիչների կողմից զենքի պահպանումը, ահաբեկչական ենթակառուցվածքների գոյությունը և Իսրայել պետության դեմ ռազմական վարժանքների անցկացումը Իսրայելի և Լիբանանի միջև կնքված համաձայնագրի ակնհայտ խախտում են և սպառնալիք են ներկայացնում Իսրայել պետության համար», – ասվում է Իսրայելի պաշտպանության ուժերի հայտարարության մեջ։