Իսրայելի պաշտպանության ուժերը հաստատում են, որ այսօր ավիահարվածների ալիք են իրականացրել Լիբանանի հարավում, Բեքաա հովտում գտնվող «Հեզբոլլահ» խմբավորման թիրախների վրա
Իսրայելի պաշտպանության ուժերը հաստատում են, որ այսօր ավիահարվածների ալիք են իրականացրել Լիբանանի հարավում, Բեքաա հովտում գտնվող «Հեզբոլլահ» խմբավորման թիրախների վրա: Նրանց խոսքով՝ հարձակումների թիրախներն են եղել հրթիռների արձակման վայրերը, ռազմավարական զենքի արտադրության և պահեստավորման վայրերը:
Ըստ իսրայելական զինվորականների՝ գործողությունները իրականացրել են Հյուսիսային հրամանատարության ներքո գտնվող Ռազմաօդային ուժերը:
Իսրայելի պաշտպանության ուժերը հայտարարում են, որ հարվածները նպատակ ունեին չեզոքացնել Իսրայելի դեմ ուղղված զենքերը և կանխել «Հեզբոլլահի» ահաբեկչական ենթակառուցվածքների վերականգնումը։
Լիբանանը նույնպես հաստատել է ավիահարվածները։ Վիրավորների կամ մահերի մասին հաղորդագրություններ չեն եղել։