Իսրայելի պաշտպանության բանակը հայտնում է, որ «Համաս»-ի երկու հրամանատար է ոչնչացվել
Իսրայելի պաշտպանության բանակը (ԻՊԲ) հայտարարել է «Համաս»-ի երկու հրամանատարների ոչնչացման մասին։ Ըստ ԻՊԲ-ի՝ այդ հրամանատարները ներգրավված են եղել 2023 թվականի հոկտեմբերի 7-ի կոտորածի և խմբավորման համար զենքի արտադրության գործընթացում։
«Ոչնչացվել են «Համաս»-ի երկու հրամանատարներ, որոնք անմիջական սպառնալիք էին ներկայացնում և ահաբեկչական հարձակումներ էին նախապատրաստում», – հայտնել են ԻՊԲ-ից։
Հայտարարության մեջ նշվում է, որ ոչնչացված անձանցից մեկը մարզել է «Համաս»-ի գրոհայիններին և զարգացրել նրանց մարտական կարողությունները, իսկ մյուսը զբաղվել է խմբավորման համար զենքի արտադրությամբ։
Ըստ ԻՊԲ-ի՝ այդ անձինք հարձակումներ էին նախապատրաստում իսրայելցի խաղաղ բնակիչների և զինվորականների դեմ, ինչպես նաև աշխատում էին «Համաս»-ի կարողությունների վերականգնման ուղղությամբ։