Իսրայել Կաց. Իսրայելը այսօր նախատեսում է հարվածել Թեհրանի կարևոր թիրախներին, բնակիչներին կոչ ենք անում տարհանվել
Իսրայելը այսօր պատրաստվում է հարվածել Թեհրանում գտնվող կարևոր թիրախներին։ Այս մասին հայտնել է Իսրայելի պաշտպանության նախարար Իսրայել Կացը՝ լրագրողների հետ զրույցում։
«Այսօր մենք շատ կարևոր թիրախներ կխոցենք Թեհրանում և կոչ ենք անում բնակիչներին տարհանվել», – նշել է Կացը։
Նրա խոսքով՝ Իսրայելը Իրանի դեմ օդային հարձակումներն իրականացնում է ինքնուրույն՝ արդեն հինգերորդ օրն անընդմեջ։
Երբ լրագրողները հարցրել են, արդյոք ԱՄՆ-ը նույնպես կարող է հարվածներ հասցնել, Կացը պատասխանել է՝ «ԱՄՆ-ը մեր լավ բարեկամն է»։
«Այս պահին նրանք օգնում են մեզ պաշտպանվել մի շարք հարձակումներից, և դրա համար շնորհակալություն ենք հայտնում», – ասել է Կացը։
Նա նաև ընդգծել է, որ Իսրայելի դիրքորոշումը Իրանի հետ բանակցությունների հարցում մնում է անփոփոխ։
«Կատեգորիկ ոչ. մենք բանակցություններ չենք վարում», – հայտարարել է Իսրայելի պաշտպանության նախարարը։