Իսրաել-Գազայի հատվածի սահմանին զոհված պաղեստինացիների թիվը հասել է 59-ի
11:55, 15.05.2018
Պաղեստինի վարչության առողջապահության նախարարության լրատվությամբ,Իսրաել-Գազայի հատվածի սահմանին զոհված պաղեստինացիների թիվը հասել է 59-ի: Իսրաելի բանակի զինվորների կողմից բացված կրակի պատճառով տուժել է 2771 մարդ, 40 պաղեստինացի լուրջ վնասվածքներ է ստացել:
Սահմանային գոտում, մայիսի 14-ին այսպես կոչված «վերադարձի մարշ»-ին մասնակցելու նպատակով հավաքվել էր մոտ 50 հազար պաղեստինացի: Պաղեստինացիները լայնածավալ բողոքի ցույցերը անց են կացնում մարտի 30-ից հետո:
Ապրիլ և մայիս ամիսներին զոհվածների թիվը գերազանցել է 90-ը:
