Իսպանիան չի մասնակցի Հորմուզի նեղուցում ռազմական առաքելությանը, քանի որ այն անօրինական է համարում Իսրայելա-ԱՄՆ պատերազմը Իրանի դեմ։ Այս մասին հայտարարել են Իսպանիայի պաշտպանության և արտաքին գործերի նախարարները, հաղորդում է Reuters-ը։

Իսպանիայի պաշտպանության նախարար Մարգարիտա Ռոբլեսը հայտարարել է, որ Իսպանիան չի աջակցի նման քայլին։

«Իսպանիան երբեք ժամանակավոր միջոցներ չի ձեռնարկի։ Գլխավոր նպատակը պետք է լինի պատերազմի ավարտը և ավարտը հիմա», – ասել է Ռոբլեսը։

Միևնույն ժամանակ, Իսպանիայի արտաքին գործերի նախարար Խոսե Մանուել Ալվարեսը հայտարարել է, որ նեղուցում ստեղծված իրավիճակը լուրջ մտահոգության առարկա է եվրոպացիների համար, սակայն ԵՄ դիրքորոշումը պետք է լինի այն, որ պատերազմը պետք է ավարտվի՝ անկախ տնտեսական նկատառումներից։

«Մենք չպետք է որևէ քայլ ձեռնարկենք, որը կարող է լրացուցիչ լարվածություն առաջացնել կամ սրել իրավիճակը», – ասել է Ալվարեսը։

Ռոյթերսի տվյալներով՝ ԵՄ մի քանի անդամ պետություններ արդեն հայտարարել են, որ չեն պլանավորում մասնակցել Հորմուզի նեղուցում ռազմական գործողություններին, այդ թվում՝ Գերմանիան, Իտալիան և Հունաստանը։