Իսպանիայի իշխանությունները չեղարկել են այսպես կոչված Ոսկե վիզաները
Իսպանիայի իշխանությունները չեղարկել են այսպես կոչված Ոսկե վիզաները, որոնք տրվել են նրանց, ովքեր մեծ ներդրումներ են կատարել Իսպանիայում անշարժ գույքի ոլորտում։
Իսպանիայում «ոսկե վիզաների» մասին օրենքը գործում է 2013 թվականից։ Այն թույլ է տվել օտարերկրյա ներդրողներին և նրանց ընտանիքի անդամներին բնակություն ստանալ Իսպանիայում: Դրա համար անհրաժեշտ էր առնվազն 500.000 եվրո ներդնել Իսպանիայում անշարժ գույքի մեջ։
Ըստ իսպանական լրատվամիջոցների՝ «ոսկե վիզաները» մեծ տարածում են գտել ԱՄՆ-ի և Չինաստանի քաղաքացիների շրջանում։
Նույն օրենքի շրջանակներում Ռուսաստանի քաղաքացիները վերջին 10 տարում Իսպանիայում ձեռք են բերել 1159 միավոր անշարժ գույք։
«Ոսկե վիզաների» չեղարկման պատճառ է հանդիսացել անշարժ գույքի շուկայում սպեկուլյացիաները վերացնելու իսպանական կառավարության ցանկությունը։