Իսլանդիան դարձել է հինգերորդ երկիրը, որը բոյկոտել է «Եվրատեսիլ» երգի մրցույթը։

Իսլանդիայի հանրային հեռարձակող RÚV-ի հաղորդմամբ՝ երկիրը որոշում է կայացրել այն բանից հետո, երբ անցյալ շաբաթ հայտնի դարձավ, որ Եվրոպական հեռարձակողների միությունը (EBU) Իսրայելին իրավունք է տվել մասնակցելու մրցույթին։

«Իսրայելի ազգային հեռարձակողի մասնակցությունը մրցույթին անհամաձայնություն է առաջացրել ինչպես EBU ​​անդամների, այնպես էլ լայն հանրության շրջանում», – ասվում է RÚV-ի հայտարարության մեջ։

Ըստ ներկայիս տեղեկատվության՝ Իսպանիան, Իռլանդիան, Սլովենիան, Նիդեռլանդները և Իսլանդիան չեն մասնակցի «Եվրատեսիլ 2026»-ին։

Միևնույն ժամանակ, մի քանի եվրոպական երկրներ հաստատել են իրենց մասնակցությունը «Եվրատեսիլ» երգի մրցույթին։ Այդ երկրներն են՝ Գերմանիան, Ֆինլանդիան, Նորվեգիան, Դանիան և Վրաստանը։

Դեկտեմբերի 4-ին Ժնևում կայացած Գլխավոր ասամբլեայի նիստում Եվրոպական հեռարձակողների միության անդամները աջակցել են «Եվրատեսիլ» երգի մրցույթի կանոնների փոփոխություններին, որոնք նպատակ ունեն ամրապնդել միջոցառման վստահությունը, թափանցիկությունը և չեզոքությունը։