Էկոնոմիկայի և կայուն զարգացման նախարարի թեկնածու Նաթիա Թուրնավայի հայտարարությամբ, իշխանություններն ունեն շատ ծանրաբեռնված բարեփոխիչ օրակարգ, այդ թվում տնտեսության մասով ծրագրված են և ընթանում են շատ բարեփոխումներ:

«Սա կապիտալի շուկայի բարեփոխումն է, որը կներգրավի ավելի շատ ներդրողների և կբերի ավելի շատ ներդրումներ,  այդպիսով ստեղծելով ավելի շատ զբաղվածություն. Դա պետական ​​ձեռնարկությունների արդյունավետության բարձրացումն է և պետական ​​ակտիվների արագ մասնավորեցումը, որոնք կրկին ու կրկին կստեղծեն նոր աշխատատեղեր. Սա օգտակար հանածոների արդյունահանման ոլորտի շատ կարևոր և հետաքրքիր բարեփոխում է, որպեսզի հանքանյութերը, որոնք այսօր էլ արտահանվում են որպես հումք, ավելի շատ վերամշակվեն տեղում, և նորից ու նորից աշխատատեղեր ստեղծվեն»,- հայտարարել է նախարարի թեկնածուն:

Միևնույն ժամանակ, Նաթիա Թուրնավան նշել է, որ տնտեսության վերականգնումը կսկսվի 2021 թվականից:

«Նախատեսված են շատ կարևոր և շահավետ փոփոխություններ և բարեփոխումներ, որոնք այժմ, առաջին հերթին, թույլ կտա հաղթահարել համավարակով պատճառած ճգնաժամը և տնտեսության վերականգնումը կսկսվի 2021 թվականից: Իհարկե, դա կօգնի մեզ մինչ 2024 թվականը, որ համարձակ դիմում ներկայացնենք Եվրամիությանը անդամակցելու համար», – հայտարարել է էկոնոմիկայի նախարարի թեկնածուն: