Իրավապահ մարմինների աշխատակիցները ձերբակալել են մեկ անձի՝ խոշոր չափի գումար խարդախությամբ հափշտակելու մեղադրանքով

Ներքին գործերի նախարարության Թբիլիսիի ոստիկանության դեպարտամենտի խարդախության դեմ պայքարի բաժնի և դետեկտիվների գլխավոր բաժնի աշխատակիցները ձերբակալել են մեկ անձի՝ խոշոր չափի գումար խարդախությամբ հափշտակելու մեղադրանքով, հաղորդում է ՆԳՆ-ն։

«Քննությամբ պարզվել է, որ ձերբակալված անձը տուժողին խոստացել է զարդարել իր մահացած կնոջ գերեզմանը։ Մեծ չափի գումար ապօրինի յուրացնելու համար մեղադրյալը տուժողից վերցրել է 10,300 լարի, սակայն չի կատարել խոստացված աշխատանքը։

Իրավապահ մարմինների աշխատակիցների կողմից իրականացված օպերատիվ միջոցառումների և քննչական գործողությունների արդյունքում տղամարդը ձերբակալվել է որպես մեղադրյալ՝ դատավորի որոշմամբ։

Քննությունը շարունակվում է Քրեական օրենսգրքի 180-րդ հոդվածի 3-րդ մասով, որը նախատեսում է մինչև 9 տարի ազատազրկում», – ասվում է ՆԳՆ-ի հայտարարության մեջ։