Իրավապահ մարմինների աշխատակիցները ձերբակալել են Գորիում երկու մարդու դանակահարության միջադեպի կասկածյալին
Ներքին գործերի նախարարության Շիդա Քարթլիի ոստիկանության վարչության Գորիի շրջանային բաժնի աշխատակիցները մեկ անձի են ձերբակալել դիտավորյալ թեթև մարմնական վնասվածք հասցնելու մեղադրանքով։ Այս մասին հայտնում է ՆԳՆ-ն։
«Քննությունը պարզել է, որ այս տարվա հուլիսի 30-ին մեղադրյալը Գորիի սրճարան-բարում փոխադարձ վեճի հիման վրա սկսված կոնֆլիկտի արդյունքում սառը զենքով վիրավորել է երկու անձի և փախել դեպքի վայրից։
Իրավապահ մարմինների աշխատակիցների կողմից իրականացված քննչական գործողությունների արդյունքում հանցագործության կատարողը ձերբակալվել է որպես կասկածյալ», – նշվում է գործակալության տեղեկատվության մեջ։
ՆԳՆ-ի տվյալներով՝ հետաքննությունը շարունակվում է Քրեական օրենսգրքի 120-րդ հոդվածով, որը նախատեսում է մինչև 5 տարի ազատազրկում։