Իրանում պնդում են, որ հարվածներ են հասցրել Հորդանանում և Քուվեյթում գտնվող ավիաբազաներին
Իրանի զինված ուժերը հայտարարում են, որ հարվածներ են հասցրել Հորդանանի Ալ-Ազրաք ավիաբազայում գտնվող ԱՄՆ ռազմական կապի համակարգերին և վառելիքի պահեստներին, հաղորդում է Reuters-ը՝ հղում անելով իրանական պետական լրատվամիջոցներին։
Հորդանանի պետական լրատվական գործակալությունը հայտնել է, որ երկրի ՀՕՊ համակարգերը խոցել են իրանական ութ հրթիռ։
Իրանի Իսլամական հեղափոխության պահապանների կորպուսը նույնպես հայտարարել է, որ թիրախը եղել է ԱՄՆ զորքերի հավաքատեղին և Քուվեյթի Ալի Ալ-Սալեմ ավիաբազայում գտնվող վաղ նախազգուշացման ռադարային համակարգը։
ԱՄՆ կենտրոնական հրամանատարությունն ավելի վաղ հայտարարել էր, որ վերջին մի քանի ժամվա ընթացքում Իրանի վրա հարվածների երկու ալիք է իրականացրել։