Պատերազմի ավարտին ուղղված բանակցությունների վարումը կախված է Միացյալ Նահանգների կողմից բոլոր ճակատներում, հատկապես Լիբանում, հրադադարի վերաբերյալ ստանձնած պարտավորությունների կատարումից. այս մասին հայտարարել է Իրանի արտաքին գործերի նախարարության մամուլի խոսնակ Էսմայիլ Բաղեին:

Հրադադարի հարցի և Լիբանի հետ կապված՝ Բաղեին նշել է, որ Լիբանում պատերազմի դադարեցումը Պակիստանի կողմից առաջարկված հրադադարի մասին համաձայնագրի անբաժանելի մասն է:

«Ինչպես միանշանակ հայտարարել է նաև այդ երկրի վարչապետը, Միացյալ Նահանգները պարտավոր է դադարեցնել պատերազմը բոլոր ճակատներում, այդ թվում՝ Լիբանում: Ցանկացած գործողություն կամ դիրքորոշում, որը հակասում է այս պարտավորությանը, հավասարազոր է Միացյալ Նահանգների կողմից իր պարտավորության չկատարմանը», – նշել է Իրանի արտաքին գործերի գերատեսչության ներկայացուցիչը: