Իրանի ռազմաօդային ուժերը հարվածներ են հասցրել Քուվեյթում և Արաբական Միացյալ Էմիրություններում գտնվող ամերիկյան բազաներին
Իրանի ռազմաօդային ուժերը հարձակումներ են սկսել Քուվեյթում և Արաբական Միացյալ Էմիրություններում գտնվող ամերիկյան բազաների վրա։
Իրանական լրատվամիջոցների տվյալներով՝ հարձակումները իրականացվել են հրթիռներով և անօդաչու թռչող սարքերով, իսկ թիրախները եղել են արբանյակային կապի համակարգերը, սարքավորումների պահեստները, կործանիչների անգարները, զորքերի դիրքերը և ռադարային համակարգերը։
Իրանական բանակի հայտարարության համաձայն՝ հրթիռներն ու անօդաչու թռչող սարքերը հարվածել են Քուվեյթում գտնվող ԱՄՆ-ի կողմից ղեկավարվող Ահմեդ ալ-Ջաբեր ավիաբազային և Արաբական Միացյալ Էմիրություններում գտնվող Ալ-Մինհադ ավիաբազային։
Հայտարարությունը հրապարակվել է Իրանի հարավային քաղաքների վրա ԱՄՆ-ի կողմից հասցված նոր հարվածներից հետո, որոնց, ըստ Իրանի առողջապահության նախարարության, զոհվել է առնվազն 18 և վիրավորվել 142 մարդ։