Իրանի գերագույն առաջնորդը խոստացել է, որ իր երկիրը կշարունակի աջակցել Մերձավոր Արևելքում հակաիսրայելական ուժերին
Իրանի գերագույն առաջնորդը խոստացել է, որ իր երկիրը կշարունակի աջակցել Մերձավոր Արևելքում Իսրայելի դեմ գործող ուժերին։ Այաթոլլահ Մոջթաբա Խամենեիի ուղերձը եթերում ընթերցել է պետական հեռուստատեսության հաղորդավարը։
«Ես հաստատակամորեն հայտարարում եմ, որ Իրանի Իսլամական Հանրապետության հետևողական քաղաքականությունը՝ հանգուցյալ իմամի և նահատակ առաջնորդի ուղին շարունակելիս, հիմնված է սիոնիստ-ամերիկյան թշնամու դեմ դիմադրությանն աջակցելու վրա»,- հայտարարել է Խամենեին լիբանանյան «Հեզբոլլահ» խմբավորմանը հղված նամակում։
Խամենեին պատերազմի սկսվելուց հետո հրապարակավ չի հայտնվել։ ԱՄՆ-ի և Իսրայելի պաշտոնյաները կարծում են, որ նա վիրավոր է։