Իրանի Ազգային անվտանգության խորհրդի ղեկավարը հայտարարել է, որ Դոնալդ Թրամփը «մեծ գին» կվճարի երկրի հոգևոր առաջնորդին սպանելու համար
Իրանի Ազգային անվտանգության խորհրդի ղեկավար Ալի Լարիջանին զգուշացնում է ԱՄՆ նախագահ Դոնալդ Թրամփին, որ նա բարձր գին կվճարի իրենց հոգևոր առաջնորդի սպանության համար: Այս մասին իրանցի բարձրաստիճան պաշտոնյան գրել է սոցիալական ցանցերում։
Նրա խոսքով՝ Դոնալդը «ամերիկյան ժողովրդին ներքաշել է Իրանի դեմ անարդար պատերազմի մեջ՝ նրանց ենթարկելով Իսրայելի վարչապետ Բենիամին Նեթանյահուի հիմար պոռթկումներին»։
«Թող այսօր մտածի. վերջին օրերին ավելի քան 500 ամերիկացի զինվորների մահից հետո «Ամերիկան առաջինը» կարգախոսը դեռևս ուժի մե՞ջ է, թե՞ դարձել է «Իսրայելն առաջինը»: Պատմությունը դեռ չի ավարտվել, և Իմամ Խամենեիի նահատակությունը ձեզ բարձր գին կարժենա», – գրել է Լարիջանին։